Үхсэн ч сэхсэн ч сэргэлэн болжмор шиг жиргэ

Зүгээрээ....

no_email@coo.mn (gangaa) — Tue, 23 Jun 2009 13:56:00 +0800

(Энэ хязгаарлалтын тохиргоотой бичлэг байна. Зөвхөн унших эрхтэй хүмүүс л нэвтэрч блогоос нь унших боломжтой...)

Солонго

no_email@coo.mn (gangaa) — Mon, 15 Jun 2009 14:54:00 +0800

Сониуч улаан наран үүлэн дундаас өндийнөм
Солонго байжээ хонгор минь, бидэн хоёрын хайр
Зэгзгэр хөх тогоруу тэнгэрийн цээлд ганцаарднам
Зэрэглээ байжээ гэнэн минь, бидэн хоёрын учрал
Үс шанх гундтал намрын бороо зүсэрнэм
Үүл байжээ энхрий минь, бидэн хоёрын гуниг
Үлгэр гэнэтхэн төгсөөд цагийн хөсөг цаашилнам
Үйл байжээ анд минь, бидэн хоёрын тавилан
Энэ хэний шүлэг билээ санадаггүй ээ, гээв гэнэт санаанд орж ирээд салдаггүй ээ.

Тахиа болсон бүргэд

no_email@coo.mn (gangaa) — Fri, 22 May 2009 11:09:00 +0800

Мэдээж яаж ч бодсон бүргэд тахиа болохгүй л дээ. Гэвч та хаа нэгтээгээс энэ тухай сонссон бас уншсан байх.
Бүргэдийн дэгдээхий санамсаргүй тахианы дэгдээхэйнүүдийн дунд уначихжээ.Өөрийгөө тэдэнтэй адилхан гэж бодоод тахианы дэгдээхий мэт аашилдаг байв. Тэдэн шиг донгодож, идэх зүйл хайн ийш тийш гүйдэг байлаа. Нэгэн өдөр тэнгэрт нисэн буй бүргэдийг хараад "Ямар гайхамшигтай шувуу вэ Ямар их өндөрт нисдэг юм бэ дээ . Би ч бас эдгээр шувуу шиг нисэж чаддагсан бол элин халин дүүлэх байсан даа" гэж өгүүлэхэд дэргэд нь байсан дэгдэээхийнүүд "Бид чинь тахианы дэгдээхий шүү дээ. Тэд чинь бүргэд. Битгий хоосон мөрөөдөөд бай. Чи түүн шиг хэзээ ч нисэж чадахгүй" гэцгээв. Бүргэдийн дэгдээхий энэ үгэнд маш их гуниглажээ. Хэн нэгэн түүнд үнэнийг хэлэх хэрэгтэй байсан боловч хэн ч тэгсэнгүй тэр амьдралынхаа сүүлчийн мөч хүртэл бүргэд мөртлөө тахиа шиг амьдарч гэнэ лээ.
Бид ч бас өөрийнхөө хэн гэдгийг мэдэхгүй яваад байдаг юм биш биз.

Согтож...

no_email@coo.mn (gangaa) — Fri, 22 May 2009 09:31:00 +0800

Нүдний чинь сайханд нэгэн үе согтож
Нүсэр их мөрөөдлийн цэнгэлд түр умбанам
Уруулын чинь сайхан нэгэн үе согтож
Уйтай хүнд сэтгэлийн гунигаас түр салнам
Амьсгалын чинь сайханд нэгэн үе согтож
Ариун энэ орчлонд амь орох шиг болном
Дарс мэт амттайхан амраглалд чинь нэгэн үе мансуурч
Даамай гашуун энэ хорвоогийн өнгийг түр мартнам
Далай мэт гүн хайранд чинь нэгэн үе согтож
Даагдашгүй хүнд сэтгэлийн дарамтаас түр ангижирнам.

Ганцхан долларын цалинтэй хотын дарга байдаг гэдэгт та итгэх үү?

no_email@coo.mn (gangaa) — Wed, 04 Mar 2009 10:50:00 +0800

Нью-Йорк хотын 108 дахь дарга Майкл Блумберг 1942 оны 02-15-нд төрсөн. Орос гаралтай еврей эцэг эхтэй. 2001, 2005 онуудад энэ албан тушаалдаа сонгогдсон. 20 тэрбум долларын хөрөнгөтэй. Форбс сэтгүүлийн 400 баяны жагсаалтанд ордог. Тэрээр өнөөдөр энэ албан тушаалыг хашиж байгаа ч цалин авдаггүй гэнэ. Хотын даргын хувиар бэлэгдлийн нэг долларын цалин авдаг. Харин манай дарга нар төсвийн мөнгийг уралдаж идэхдээ гаргууд гэж бодохоор хэзээ нийслэлийнхээ, иргэдийнхээ төлөө ажилладаг даргатай болох бол?

Та айлын хэд дэх хүүхэд вэ?

no_email@coo.mn (gangaa) — Tue, 03 Mar 2009 14:26:00 +0800

Бие хүний төлөвшил зан чанарт гэр бүлийн орчин хүчтэй нөлөөлдөг юм.Ялангуяа гэр бүлд хэд дэх хүүхэд болж төрснөөс тухайн хүний зан чанар ирээдүйн амьдралын зам тодорхой болдог тухай онолыг 1928 онд сэтгэл судлаач А.Адлер дэвшүүлэн тавьжээ.
Ууган хүүхдийн зан төлөв
Дүү төрөх хүртэл ууган хүүхэд эцэг эхийн онцгой хайр халамжинд өсдөг бөгөөд гэр бүлийнхээ уламжлал дэг журмыг өвлөн авдаг байна. Харин дүү төрснөөс хойш эцэг эхийн зүгээс тавих анхаарал сулардаг тул насан турш энэ алдагдсан байр сууриа эргүүлэн авахыг оролддог. Тийм учраас эрх мэдэлд тэмүүлэх сэдэл ихтэй хүмүүс болдог. Ууган хүүхэд гэр орны ажил дүү нарыг зохицуулах үүрэг хүлээдэг учир захиргаадах зан чанартай болдог гэнэ. Гол онцлог нь эцэг эхийнхээ залуу байхад төрдөг учир залуу хүний эрч хүч сэтгэл хөөрлийн шинж ууган хүүхдэд хадгалагдан үлдэж оюун ухааны хөгжлийн түвшин нь бусад хүүхдээс өндөр байдаг юм байна.
Дунд хүүхдийн зан төлөв
Хоёр гурав дахь хүүхдээс эхлэн эцэг эхийн анхаарал халаиж сулардаг тул дунд хүүхдүүд ...

[дэлгэрэнгүй]

Од болохын учир

no_email@coo.mn (gangaa) — Thu, 19 Feb 2009 12:22:00 +0800

Ард түмэн тэднийг мартчих гээд байгаа учраас хөөрхий улстөрчид байнга хэрэг төвөгт орж, сонин хэвлэлийн од болохоос өөр аргагүйд хүрдэг байх юм. Мартагдана гэдэг улстөрчийн хувьд үхэл учраас тэр.
Олны нүд хаашаа чиглэнэ, тэнд дэвхэрч цовхорч өөрийгөө сануулж байдаг мэдрэмжтэй улстөрч бол Гүндалай. Хэд улирсан хашир гишүүнд гадаад руу сэмхэн гарчих нүх сүв, танил тал байж л таараа. Гэтэл гэгээн цагаан өдрөөр онгоцны буудал дээр баригдаж цамцаа уруулж, хацраа маажуулж, бөөн шуугиан болно. Цууд гарч од болж байгаа нь энэ. Ард түмэн “Хөөрхий, гишүүн минь” хэмээн шогширч, бүтэн намаржингаа ганцхан Гүндалайг л яриастай. Яриа татрах үест аргаа өөрчилж, Ард түмний нам байгуулан гудамжинд гуагална. Тэгснээ гэнэт больж, хуучин нам руугаа нутаг гүйсэн адуу шиг таварган ирж сэтгүүлчдийг уйлуулна. Арга ядахад бэлгэвчний аян зарладаг давхар мэхтэй. Сүүлийн сар түүнд шуугиан тарих аян шалтаг олдохгүй толгой ихэд гашилсан юм. Дахиад завьта...

[дэлгэрэнгүй]

..........

no_email@coo.mn (gangaa) — Sat, 14 Feb 2009 19:44:00 +0800

Баяр болоод байдаг. Гэдэс өлсөөд компьютерийнхоо урд сууж байдаг. Ганцаараа чгэсэн яадын хоол захиалж дарс шимнээ гэсс. Надтай адилхан сууж байгаа хүн байгаа бол хундага тулгая.

Сүүдэрт цохиулаагүй хайр чамтайгаа

no_email@coo.mn (gangaa) — Sat, 14 Feb 2009 14:13:00 +0800

Бүх хосуудддаа гэгээн хайрын баярын мэнд хүргэе ээ. Сарны мөнгөн толиотой нуурын болорхон бидэрт
Салхитай талцаж ганганасан хун нь байлаа чамтайгаа
Сайран шаргал эмжээртэй амьдралын хэсэгхэн чөлөөнд
Салхитай эвлэлцэж хослон дэлбээлсэн яргуй нь байлаа чамтайгаа
Сүмбэн хөлтэй хөлгийн огторгуй мордсон нуруунд
Сүлдтэйгээ тонгочиж торнисон хөөмий нь байлаа чамтайгаа
Хаялга алаг өдрөөр буцсан шувууд ирэх
Хаврын шөнийн ахуйд шивнээ үүсгэлээ чамтайгаа
Хашлага нарийн зөргөөр харийн гийчид цуврах
Хайрын туурьтай чөлөөнд гунигаа мартлаа чамтайгаа
Цадиг түүхтэй замилангийн борлосон шастирын хуудсанд
Цацал өргөн залбирдаг гэргий нь боллоо чамтайгаа
Цацган хажлагатай амьдралын буурлаас өвөлсөн голомтод
Цайгаараа дээж барьдаг хүслэн боллоо чамтайгаа
Халгиж дэвэрсэн зүрхний цалгиаг атган цоожлох
Хайртай чинийхээ харцанд үйж дууслаа чамтайгаа
Халширч эмээсэн миний бодлыг өөрөө унших
Хангай уулсынхаа ...

[дэлгэрэнгүй]

Явдаггүй дээ явдаггүй

no_email@coo.mn (gangaa) — Wed, 11 Feb 2009 18:53:00 +0800

Болдоггүй дээ болдоггүй
Бодол сэтгэлээс минь гардаггүй
Бороон дараах мөөг шиг
Боломж л гарвал сэтгэлд ургасаар
Салдаггүй дээ салдаггүй
Санаанаас ер гардаггүй дээ
Сайн нь ч саар нь салдаггүй
Сэтгэл зүрхийг эзэгнэсээр
Явдаггүй дээ явдаггүй
Ямбалж эрхлэн зүүгдсээр
Яавал их тамлах вэ гэх шиг
Янзтайхан инээн хургасаар