Ангилал: Шүлэг
Асгауулан мэлмэрүүлсээр нуур болон тогтоохгүй
Аяар аяар гишгэсэн анхиагүй амьтан болохгүй
Арцат ногоон хөндий шиг урган төлжиж чадахгүй ч
Анхилам улаан сарнай шиг дэлбээлэн гунхах болноо би
Балга балгаар уусаар архичин болчихгүй би
Бүдчин салганан унасан бүрхэг амьтан болохгүй
Шүүдэр цармын цэцэг шиг цэцэглэн дэлбээлж чадахгүй ч
Шөнийн тэнгэрт гэрэлтсэн саран авхай шиг туяарах болноо би
Гуньж гутан уйлсаар горхи болон урсгахгүй
Гандсан баглаа цэцэг шиг хөсөрт хаягдан үлдэхгүй
Хөөрхөн нялх охин шиг өсөн ургаж чадахгүй ч
Хөх тэнгэрт мишээсэн наран ижий шиг цацрах болно
